Prokuroria Themelore Publike (PTHP) Shkup sot njoftoi se është në komunikim të vazhdueshëm me Ministrinë e Punëve të Brendshme (MPB) lidhur me identifikimin e pjesëmarrësve në trazirat të cilat ndodhën në Kuvendin e Republikës së Maqedonisë.
Deri në këtë moment është vendosur klasifikim juridik i veprave të kryera penale.
“Prokurorët publikë kujdestar rregullisht janë të njoftuar për rrjedhën e ngjarjeve dhe japin drejtime për veprim të mëtejshëm të policisë”, qëndron në kumtesën e PTHP Shkup të publikuar në ueb-faqen e tyre.
Gjatë pranimit të informatave, siç thuhet, në pajtueshmëri të ngjarjeve të veçanta, po ndërmerren masa dhe veprime konkrete.
“Për shkak të vëllimit në veprimin e prokurorisë deri në këtë moment janë përfshirë gjashtë prokurorë publikë, por në pajtueshmëri me nevojat numri i prokurorëve publikë të përfshirë pritet të rritet, ndërsa janë në drejtim të ndriçimit të shpejtë dhe efikas të këtyre ngjarjeve penale juridike”, thuhet në kumtesë.
Deri në këtë moment, informojnë nga PTHP, nuk është vendosur kualifikim juridik i veprave të kryera penale.
“Vendosja e klasifikimit konkret juridik për çdo person për të cilin do të konfirmohet se ka kryer vepër penale do të bëhet pasi të mblidhet i gjithë materiale i nevojshëm i dëshmive në veçanti për secilin person të involvuar në ngjarjet penale juridike dhe pas konfirmimit të fakteve. Prej këtu e njoftojmë opinionin se PTHP Shkup nuk ka bërë kurrfarë rikualifikimi të cilësdo vepër penale dhe se deri tani informatat e publikuara në një pjesë të mediave janë spekulim”, thuhet në kumtesë.
Nga PTHP theksojnë se numri i personave të privuar nga liria, veprimet konkrete të organeve hetuese, si dhe veprimet e mëtejshme të cilat do të ndërmerren, prokuroria publike do t’ia kumtojë opinionit kur do të krijohen kushte për atë dhe pasi prokurorët publik kompetent do të përfundojnë me konfirmim të fakteve.
Kujtojmë se të enjten me 62 vota “pro” në një atmosferë kaotike të enjten në shtëpinë ligjvënëse, shumica parlamentare zgjodhi deputetin e BDI-së Talat Xhaferin për kryetar të Parlamentit. Më pas pasuan incidentet para dhe brenda Parlamentit, kur protestuesit me forcë hynë në këtë institucion.
Sipas Ministrisë së Punëve të Brendshme në incidentet e mbrëmshme para dhe në Parlament janë lënduar 70 qytetarë, 22 pjesëtarë të policisë dhe tre deputetë./AA/
