Një ditë pas protestës së dhunshme në pikën kufitare të Kalimashit, disa qytetarë të Kukësit, shoqëruar dhe nga deputetët e PD dhe LSI, kanë mbërritur këtë mesditë para komisariatit të Kukësit, duke vijuar protestën pas ndalimit të 25 personave nga policia, të cilët akuzohen për dhunën e ushtruar ndaj uniformave blu gjatë protestës së djeshme. Protestuesit kërkojnë lirimin e protestuesve para komisariatit.
Pas protestave të djeshme te dhunshme, ku disa protestues dogjën dhe shkatërruan pikat e kalimit të Rrugës së Kombit në Kalimash, forca të shumta policie kanë patrulluar gjatë natës në Kukës. Policia ka komunikuar 25 urdhër-arreste për protestuesit, mbi të cilët rëndojnë katër akuza, siç janë: ‘Shkatërrim prone publike’, ‘Goditje për shkak të detyrës’, ‘Tubim i paligjshëm’ dhe ‘Kundërshtim i forcave të policisë’.
ma.me
