Kryetari i grupit të PS, Taulant Balla kërkon që prokuroria të fillojë ndjekjen penale për Flamur Nokën pas dhunës sot në parlament.
Balla thotë se Flamur Noka shkuli mikrofonin nga foltorja dhe goditi me mjete të forta ndaj Kryeministrit dhe Kryetarit të Kuvendit. Pas dhunës në seancën e sotme u përjashtuan me 10 ditë 6 deputetë të opozitës dhe ministri Bushati.
“Sigurisht Rregullorja e Kuvendit është e qartë dhe deputetët dhunues duhet të ndërshkohen. Por sot kemi asistuar edhe në elementë të veprave penale që lidhen me goditje të personave që kryejnë detyra publike. Shikoni deputetin demokrat Flamur Noka që shkul mikrofonin nga foltorja dhe godet me mjete të forta ndaj Kryeministrit dhe Kryetarit të Kuvendit. I bëj thirrje Prokurorisë të hetojë dhunën e sotme!”, deklaroi Balla
a.ç
