Të drejtat e fëmijëve kundrejt dhunës dhe abuzimit ishin tema e një seance dëgjimore në mbledhjen e sotme të nënkomisionit për Çështjet e të Miturve dhe Barazinë Gjinore ne parlament, nisur nga rastet e fundit të dhunës në disa qendra rezidenciale të kujdesit për fëmijë.
Ministri i Mirëqenies Sociale dhe Rinisë, Blendi, Klosi duke u ndalur tek masat që do të merren për parandalimin e ngjarjeve të tilla tha se shumë shpejt do të ngrihet një task forcë që do të ushtrojë kontroll në qendrat rezidenciale, si ato publike ashtu dhe ato jopublike.
“Kemi sot në total 175 qendra publike dhe jopublike, nga të cilat vetëm 28 i mbulon Shërbimi Social Shtetëror dhe bashkitë. Në të gjitha këto institucione brenda korrikut do të ketë një inspektim të plotë, të drejtuar nga Inspektoriati i Punës dhe Shërbimeve. Inspektimi do të konsistojë në evidentimin e plotë të kapaciteteve njerëzore në këto qendra dhe stafet që operojnë brenda tyre. Brenda dy javësh do të kemi dhe rezultatet e këtij kontrolli”, tha ministri Klosi. (javanews.al /r.a)
