Më shumë se 4 orë ka qendruar Ministri i Brendshëm Bledi Çuçi në zyrën e Drejtorit të Policisë së Shtetit, Muhamed Rrumbullakut pas ngjarjeve tronditëse të Krujës ku brenda 24 orëve një atentat dhe një skandal dhune barbare e fisit të deputetit Rrahman Rraja kanë shokuar opionin publik.
Çuçi është fokusuar në diskutim me Drejtorin e Përgjithshëm të policisë tek skenat e fundit kriminale të fisit Rraja në një lokal në Thumanë ndaj fisit Maja, e cila u ankua për guroret e Rrajave që u kishin shkatërruar shtëpitë.
Deri më tani në kërkim janë dy vëllezërit e deputetit Flamur dhe Xhelal Rraja dhe K.Rraja ndërsa një natë më parë u shpall në kërkim edhe djali i tij Rexhep Rraja. Në pranga për këtë ngjarje ka përfunduar Ineidi Rraja, Eni Kullaj, Kujtim Përdaku dhe Andi Rraja. Kujtojmë se banorët janë ankuar për inekzistencën e policisë në këtë zonë madje edhe për kërcënim nga shefi i komisariatit nëse ata protestojnë duke bllokuar rrugët e qytetit.
Kujtojmë se pak ditë më parë, banesa e Gentjan Bejtjas, një emër i njohur për policinë, u bë shënjestër e një sulmi me armë, ku për pasojë u plagosën dy fëmijët e tij të mitur dhe u vra kunati i tij. Ngjarje për të cilën policia shoqëroi të fortët e Niklës dhe më pas i liroi. Pak orë pas lirimit u rikthye për ti arrestuar duke vënë në pranga vetem Valter Bamin, të ciliu iu gjet prani baruti në duar. Ende nuk dihet ku ështe objektvi i atenatit Gentian Bejtja i cili as nuk është marrë në pyetje.
/f.stafa
