Ministri i Jashtëm Dimtir Bushati i ka kthyer përgjigje ish-Kryeministrit maqedonas Nikolla Gruevski lidhur me rolin e shqiptarëve në shtetformimin e Maqedonisë.
Duke folur në Universitetin e Shkodrës, Ministri Bushati theksoi se qeveria shqiptare nuk do të reshtë së kërkuari të drejtën e shqiptarëve për barazi dhe dinjitet kudo ku ata jetojnë.
“Nëse shqiptarët do të ndiheshin të margjinalizuar për shkakt të politikave që i konsiderojnë shqiptarët si punëtorë sezonalë. Nëse nuk ndihemi të vëmendshëm t’i përgjigjemi në kohë kërkesave legjitime të tyre, për më shumë dinjitet dhe barazi shoqërore, atëherë rreziqet që i kanosen rajonit tonë, mund t’i çojë në tjetërsimin e identitetit tonë kombëtar. Prandaj ne nuk do të reshtim së kërkuari nevojat e shqiptarëve kudo ku ata ku janë.” tha Bushati.
