Klubi i futbollit “Real Madrid” e ka mbrojtur publikisht lojtarin spanjoll të tenisit Rafael Nadal pas akuzave të ish-ministres së Francës, sipas të cilës ka rezultuar me doping në testin e vitit 2012.
Gjiganti i futbollit spanjoll, në një deklaratë në faqen e internetit të klubit, ka ofruar “mbështetje absolute” për Nadal, nga akuzat e Ish-Ministres franceze të Shëndetësisë dhe Sporteve Roseline Baselo, duke i cilësuar ato si “të pajustifikueshme dhe të papranueshme”.
Baselo, të enjten, në një televizion francez tha se Nadal ka dështuar në një test droge në vitin 2012, por kjo çështje u fsheh, ndaj spanjolli ndaloi shtatë muaj për të luajtur pas kinse lëndimit të gjurit të vet.
Mbështetje ndaj Nadal ka ofruar edhe Komiteti Olimpik në Spanjë, Federata Ndërkombëtare Tenis (ITF), trajneri i ekipit kombëtar të futbollit të Spanjës, Visente del Boske dhe trajneri i Barcelonës, Luis Enrique.
Nadal ka mohuar akuzat dhe njoftoi një padi kundër Basalo.
Nadal ka thënë në fillim të kësaj jave se ai kurrë nuk ka përdorur droga të paligjshme qoftë të shërohej më shpejt nga lëndimet, ose për të përmirësuar aftësitë e tij.