Një ngjarje tragjike ndodhi sot në plazhin e Durrësit. Anri Kashiku 18-vjeç ka humbur jetën pasi hyri mes dallgëve në det për të ndihmuar vëllain e tij dhe një shok që po rrezikoheshin nga dallgët.
Anri Kashiku, futbollist i AK Shqiponjat 2017, ka shkuar fillimisht me pedalone për të shpëtuar të miturit, por edhe mjeti filloi të mbytej.
Në këtë moment Kashiku ka vendosur të mos e marrë mjetin, duke shkuar të shpëtojë vëllanë dhe shokun e tij me not. Ndërkohë, dallgët e kanë nxjerrë sërish pdealonen në breg. Shërbimet e Policisë Kufitare kishin gjetur trupin e të ndjerit, 20 metra larg bregut. Një rast që ka bërë të reagojë edhe kreu i FSHF-së Armand Duka, me një postim në rrjetin social Facebook.
POSTIMI I ARMAND DUKËS
I tronditur nga lajmi tragjik i ndarjes së papritur nga jeta i Anri Kashikut, djaloshit 18-vjeçar nga Durrësi. Nuk ka fjalë për të përshkruar këtë ngjarje të rëndë.
Përveçse një hero, Anri, i cili shpëtoi nga mbytja në det dy fëmijë para se mposhtej pabesisht nga dallgët e detit, ishte dhe një futbollist i perspektivës me Akademinë Shqiponja 2017.
Dua t’i shpreh ngushëllimet më të thella familjes së tij, të afërmve, shokëve e drejtuesve të skuadrës në këtë moment të vështira. Lamtumirë Anri!
Kujtimi dhe sakrifica juaj do të mbeten të paharruar nga të gjithë e veçanërisht nga komuniteti i futbollit. U prehtë në paqe!
/a.r
