Një ditë pas ekzekutimit të Dilaver Bojku, i njohur me nofkën Leku, në Strugë, të tjera detaje janë zbuluar.
Informacionet e para tregojnë se viktima u ekzekutua para kafenesë së tij “Aqua Blue” me një plumb në kokë në plazhin e Strugës. Ndërkohë, policia ende po punon për identifikimin e autorëve.
Siç mësohet të shtënat e armëve kanë ndodhur rreth orës 17.00, dhe në atë moment ka pasur edhe klientë në kafene. Bojku ishte i njohur me bizneset e tij në Strugë. Ndërsa dëshmitarët okularë tregojnë se autori i vrasjes është larguar nga vendi me motoçikletë.
Nga policia deri më tani nuk japin detaje, ndërsa në proces është formimi i ekipit hetues policor që do të punojë në zbulimin e rastit.
Bojku, nën pseudonimin Lek, ishte prej 15 vitesh i njohur si “Shefi i prostitucioni në Ballkan”.
