Të tjera detaje mësohen nga përplasja me armë shumë afër Bashkisë së qytetit të Vlorës.
News24 raporton se një sherr i nisur fillimisht me fjalë mes dy biznesmenësh në sektorin e kafesë degjeneroi deri në përdorimin e armëve.
Konkurrentët në biznes mësohet se kishin dyqanet e tregtimit të kafesë afër me njëri-tjetrit, dhe dyshohet se pikërisht një sherr për punën e përditshme i ka çuar deri në përleshje fizike.
Pasi janë zënë me grushte, biznesmeni M.B, rreth 48 vjeç me qëllim për ta trembur ka goditur me armë manovër 31-vjeçarin Delin Dervishi, pronari i biznesit tjetër.
Policia ka mbërritur menjëherë në vendngjarje dhe ka sekuestruar armën e llojit Pistoletë-manovër si dhe 3 gëzhoja fishekësh të vërtetuara nga ekspertët si “zhurmues” ose manovër.
Sipas të njejta burimeve, policia ka bërë shoqërimin e të dy pronarëve dhe po kryhen veprimet për sqarimin e rrethanave të ngjarjes./a.k
