Paratë e sekuestruara nga prokurori Ardian Braho për të cilat u kërkuan 18 mijë euro ryshfet për t’u zhbllokuar në favor të biznesmenit të ndërtimit, rezultojnë të kenë ardhur nga Franca.
Repor Tv zbardh detajet e transaksionit ku rezulton se në Gusht të 2014 në llogarinë e biznesmenit G.M me origjinë nga Dibra dhe ndërtues në Itali, kanë ardhur 150 mijë euro.
Sapo paratë kanë mbërritur në Shqipëri, Drejtoria e Pastrimit të Parave ka dyshuar se bëhet fjalë për pastrim parash dhe kanë nxjerrë menjëherë një urdhër sekuestro preventive.
Ky urdhër i është referuar prokurorisë së Tiranës e cila ka nisur hetimet, hetime të cilat kanë zgjatur për disa kohë.
Por ajo çka ka ndodhur në Prokurori rezulton se në favor të biznesmenit G.M llogaria është lënë e lirë dhe materialet e referuara i janë kthyer sërish pas policisë së Tiranës.
Por si nis e gjithë historia? Denoncuesit i kanë transferuar me bankë nga jashtë shtetit drejt Shqipërisë 120 mijë euro. Pas një indicie nga Krimi Ekonomik kjo shumë iu bllokua. Dhe për të marrë atë që i takonte, pasi me dokumente ai kishte vërtetuar se ishin “para të pastra”, iu desh të paguante plot 18 mijë euro për prokurorin.
Shuma e bllokuar po hetohej pikërisht nga Prokurori Braho dhe ky i fundit, sipas asaj që kuptohet nga video, ka kërkuar 18 mijë euro për të hequr bllokimin e transfertës.
Po sipas videos në fjalë, të transmetuar në emisionin investigativ, Braho, i merr lekët nëpërmjet oficerit të policisë gjyqësore, Fatos Lushi.
Ryshfeti
Rasti flagrant i korrupsionit është zbuluar pas një video të publikuar nga emisioni investigativ “Stop”, ku prokurori Ardian Braho, përmes Oficerit të Policisë Gjyqësore, Fatos Lushi, merr shumën e 18 mijë euro, për të hequr urdhrin e bllokimit të një transferte bankare në shumën 120 mijë euro.
Denoncuesit i kanë transferuar me bankë nga jashtë shtetit drejt Shqipërisë 120 mijë euro. Pas një indicie nga Krimi Ekonomik kjo shumë iu bllokua. Dhe për të marrë atë që i takonte, pasi me dokumente ai kishte vërtetuar se ishin “para të pastra”, iu desh të paguante plot 18 mijë euro për prokurorin.
Shuma e bllokuar po hetohej pikërisht nga Prokurori Braho dhe ky i fundit, sipas asaj që kuptohet nga video, ka kërkuar 18 mijë euro për të hequr bllokimin e transfertës.
Po sipas videos në fjalë, të transmetuar në emisionin investigativ, Braho, i merr lekët nëpërmjet oficerit të policisë gjyqësore, Fatos Lushi.
Pezullohet prokurori, arrestohet oficeri
Menjehere pas ngjarjes, Prokurori i Përgjithshëm, Adriatik Llalla, ka urdhëruar pezullimin nga detyra të prokurorit të Prokurorisë së Rrethit Gjyqësor Tiranë, Ardian Braho, që kishte nën hetim një rast, për të cilin oficeri i Policisë Gjyqësore, Fatos Lushi, shfaqet në pamje televizive duke marrë shumën prej 18 000 eurove nga një qytetar që kishte një çështje në hetim pranë Prokurorisë së Tiranës.
Ndërkohë, vetëm pak minuta pasi u shpall në kërkim, oficeri i Policisë Gjyqësore i cili edhe mori paratë e korrupsionit, Fatos Lushi, është dorëzuar në Policinë e Tiranës rreth orës 22:40 minuta. /a.k
