Gjykata e Posaçme kundër Korrupsionit dhe Krimit të Organizuar ka firmosur pesë urdhër-arreste me kërkesë të SPAK këtë të enjte.
Mes të arrestuarve është edhe Akil Nerjaku, i njohur si i përfshirë në bandën e Durrësit që i shpëtoi një atentati me snajper më 12 shtator 2022.
Nerjaku u vu në pranga gjatë operacionit në banesën e Ramazan Rrajës. SPAK dje urdhëroi edhe shoqërimin e Ramazan Rrajës, por gjatë kontrollit nuk u gjet në banesë.
Burime të Report Tv bëjmë me dije se bëhet fjalë për një procedim penal të regjistruar më herët dhe urdhër-arrestet vijnë pas rrëfimit të një bashkëpunëtori të drejtësisë.
Nuk dihet për cilin bëhet fjalë, teksa tashmë Policia e Shtetit ka bërë të mundur ekzekutimin e të gjitha urdhër-arresteve në fjalë. SPAK akoma nuk ka bërë njoftim zyrtar dhe detaje për operacionin në fjalë.
/s.f
