Detaje të reja kanë dal nga arrestimi i Redjan Rraja i akuar si një ndër presonat e përfshirë në atentatin ndaj prokurorit Ndoji dhe dy personave të tjerë.
Ai u arrestua pasi u tradhtua nga shenjat e gishtave që u gjetën në makinën e autorëve që u gjet pas atentatit kundër prokurorit Arjan Ndoja. Gjithashtu në makinë nuk janë gjetur vetëm dy automatikë, por edhe një pistoletë dhe prova të tjera me vlerë për hetimin që janë dërguar në laborator.
“Gjetja e padjegur e makinës ishte një provë e rëndësishme. Në pamundësi për ta djegur nga autorët, çoi në zbardhjen e këtij krimi. Bëhet fjalë për dy automatikë dhe një pistoletë dhe detaje të reja si bishta cigaresh të gjetura në makinës, janë çuar në laborator për t’u ekzaminuar. Fakti që është identifikuar njëri nga autorët, ka qenë një gjurmë gishti që është gjetur në derën e makinës. Krahasimi i saj ka çuar në arrestimin e tij.
Nga ata që kam biseduar unë më është konfirmuar se ka qenë një gjurmë gishti, analiza e ADN-së në një nga kapuçat, bishtat e cigareve dhe paketa është cuar për ekzaminim. Procesi i ADN-së është më i vështirë se krahasimi i gjurmës së gishtit. Tentativa e tij për largim, ka bërë që të merret në pyetje për vendndodhjen atë ditë dhe kontaktet që ka pasur atë ditë në Nikël dhe Fushë Krujë. Ka qenë gjurma e gishtit që solli identifikimin paraprak, por në vijim do të ketë të tjera detaje” bën me dije report tv.
Në momentin e arrestimit, Rrajës i janë gjetur dhe sekuestruar edhe dy telefona, të cilët po ekzaminohen për të zbardhur detaje të reja që mund ta implikojnë. Deri tani, Rraja nuk ka pranuar që të flasë, por nëse do të vërtetohen akuzat rrezikon deri në burgim të përjetshëm.
Por kush është motivi që Redjan Rraja mund të ketë qëlluar mbi prokurorin dhe Landi Muharremin kjo nuk dihet ende./ shqiptarja.com
g.kosovari
