Një person i pajetë me plagë zjarri në trup është gjetur mesditën e sotme pranë Varrezave të Linzës në Tiranë. Nga të dhënat paraprake mësohet se, personi i pajetë është Gani Çela, 69 vjeç, ndërsa anash trupit u gjet një armë zjarri, tip pistoletë.
Nga kryerja që iu trupit, zbulohet një plagë me armë zjarri në pjesën e gojës. Dyshohet se 69-vjeçari i ka dhënë fund jetës me një plumb në gojë.
Trupi eshtë gjetur i shtrirë dhe në dorën e tij të djathtë është gjetur një armë zjarri tip pistoletë TT dhe viktima kishte lënë edhe një letër ku ka shkruar se policia nuk duhet të merret me vetëvrasjen e tij.
“Policia të mos merret me këtë ngjarje, pasi e kam bërë vetë me dashje” ka shkruar para vetëvrasjes viktima.
Vendi i ngjarjes është në rrugën prapa godinës së repartit RENEA dhe personi është banor i zonës por me origjinë nga Përmeti. Pranë vendit të ngjarjes nuk ka banesa.
Report Tv ka kontaktuar me një person që ishte mik me viktimën dhe ai ka konfirmuar se sot kishte konsumuar një kafe me viktimën dhe nga biseda që kishte pasur me të nuk ka shfaqur shenja depresioni.
Policia ka transportuar në morgun e Institutit të Mjekësosë Ligjore trupin e viktimës.
