Zbulphen disa detaje lidhur me koston e zhvarrosjes se ushtareve grek ne token shqiptare. Korrespondentja e Ora News në Gjirokastër ka zbuluar se nga kush përbëhen komisionet që po bëjnë procesin e gërmimit të eshtrave të ushtarëve grekë. Sipas saj, gërmimet po kryhen nga dy komisione të përbërë nga shqiptarë edhe grekë. Komisioni i parë është i përbërë nga antropologë, jurist, specialist të tjerë. Nga pala greke pjesë e komisionit janë tre persona, një ish-ushtarak, një nga Ministria e Mbrojtjes dhe një nga Shoqata e ish-ushtarakëve, e cila zotëron edhe database-in, e emrave të rënë. Në fund të ditës, komisioni teknik raporton për secilën prej gjetjeve që bën.
“Bashkia e Tepelenës ka vendosur disa punonjës të shërbimeve publike që ndihmojnë të dyja komisionet. Ndërsa toka ku po kryhen gërmimet, është pa pronar. Toka nuk është punuar kurrë. Pala greke ka marr përsipër të bëjë shpronësimin në dy territore, në krahun e majtë dhe atë të djathtë, ku po kryhen gërmimet. Po ashtu edhe kosto të tjera, për ujin, për energjinë, apo dëme që mund të shkaktohen. Është vendosur edhe një shërbim funeral, i cili për çdo zhvendosje paguhet 75 euro. Vetëm gjatë ditës së djeshme një zotëri i ardhur enkas nga Greqia, ishte i biri i një ish-ushtari. Ai tha që babai i vetë i kishte treguar që krerët kishin medaljon, por jo ushtarët. Do të jetë shumë e vështirë për të bërë identifikimin e këtyre eshtrave”, theksoi korenspondetja.
