Policia e Shkodrës ka identifikuar autorin e vrasjes së 47-vjeçarit Genc Mhillaj. Ky i fundit u vra rreth orës 11:00 te ura në fshatin Mali Jushit.
Sipas policisë autor i dyshuar i vrasjes është 21-vjeçari Jozef Mujeci, banues në Lezhë. Motivi i kësaj ngjarje është një konflikt i ndodhur para 2 ditësh në fshatin Torovicë, ku viktima e ka vazhduar konfliktin edhe fizikisht.
Vendi ku ndodhi vrasja
Ndërkohë janë ngritur disa pika kontrolli po bëhet dhe krehja e zonës me qëllim kapjen 21-vjeçarit si dhe bashkëpunëtorit të tij .
47-vjeçari ishte duke ecur me një kamion të ngarkuar me miell, kur autorët me një makinë i kanë prerë rrugën. Këtë moment ai ka zbritur dhe ka tentuar të ikë me vrap, por ata e kanë ndjekur dhe vrarë në parcelë te Ish-Orizoret./tvklan/a.k
NJOFTIMI I POLICISE:
Nga veprimet e shpejta operacionale dhe proceduriale u bë i mundur identifikimi i autorevë të dyshuar për ngjarjen e ndodhur sot rreth orës 11:00 te ura në fshatin Mali Jushit ku mbeti i vrarë me armë zjarri shtetasi Genc Mhillaj.
Autor i dyshuar i vrasjes është shtetasi Jozef Mujeci, 21 vjeç, banues në Lezhë.
Motivi i kësaj ngjarje është një konflikt i ndodhur para 2 ditësh në fshatin Torovicë, ku viktima e ka vazhduar konfliktin edhe fizikisht.
Nga shërbimet e D.V.P-Shkodër në bashkëpunim dhe me shërbimet e D.V.P-Lezhë janë ngritur pika kontrolli po bëhet dhe krehja e zonës me qëllim kapjen e autorit të lartpërmendur dhe bashkëpunëtorit të tij, identiteti i të cilit nuk bëhet i ditur për arsye hetimi.
