Detaje të reja kanë dalë nga shpërthimi në zonën e ish-bllokut në një argjendari, ku 5 persona mbetën të plagosur.
Sipas grupit hetimor hetimet po vazhdojnë ende për zbardhjen e plotë ë shkaqeve të shpërthimit.
Inspektoratit Shtetëror Teknik Industrial, ka gjetur dy bombola te tjera me gazin propan, ndërsa tjetra me gazin kriogjen apo gaz teknik.
Një nga bombolat është gjetur me valvul të hapur dhe dyshohet se ka pasur rrjedhje në tubin përcjellës mes bombolës dhe pajisjes, me të cilën punohej.
Në raportin paraprak të përpiluar nga ekspertët zjarrfikës, ngjarja ka ndodhur për shkak të një pakujdesie njerëzore.
“Nga tejngopja e ajrit me gaz në prani të një shkëndije në bodrum ka ndodhur shpërthimi, i cili ka shkatërruar plotësisht argjendarinë dhe dyqanin ngjitur. Nga forca shpërthyese është shkatërruar muri lidhës mes dy subjekteve tregtare, si dhe paneli i betonit në pjesën e tavanit. Si pasojë e shpërthimit janë dëmtuar edhe 4 automjete të parkuara afër vendit të ngjarjes”, thuhet në deklaratën e ISHT.
Nga shpërthimi u plagosën 5 persona, burrë e grua, pronarë të argjendarisë, një punonjëse dhe dy persona të tjerë.
g.kosovari
