Detaje/ U ekzekutua me tre plumba, identifikohet gruaja që u gjet pajetë në liqenin e Sharrës

Një trup i pajetë është gjetur mëngjesin e sotëm pranë Liqenit të Sharrës në Tiranë. Nga sa mësohet, viktima është rreth 45 vjeçe dhe ka shenja dhune në pjesën e kokës.

45-vjeçarja është lidentifikuar si Lirie Xhepa, e cila është qëlluar 3 herë me armë zjarri.

Trupi i 45-vjeçares është gjetur pranë një ferre nga kalimtarët, të cilët kanë njoftuar më pas policinë.

“Rreth orës 08:18, pranë liqenit të Sharrës është gjetur një trup i pajetë, i gjinisë femër, e moshës rreth 40-45 vjeçe. Po punohet për sqarimin e plotë të rrethanave të ngjarjes dhe identifikimin e trupit të pajetë”- thuhet në njoftimin e policisë.