Detaje te reja nga hetimet per 34-vjecarin qe u gjet i pajete ne rruge, mengjesin e sotem ne qytetin e Vlores.
34-vjecari i identifkuar si shtetasi Kreshnik Dashaj, ne njoftimin e pare te policise u tha se dyshohet te kishte gjetur vdekjen nga zemra, pasi kishte pasur probleme kardiake.
Por, pas hetimeve dhe keqyrjes ne morgun e spitalit te qytetit atij i jane konstatuar shenja te dyshimta.
Ai u gjet i pajetë këtë të mërkurë në lagjen “Kushtrimi” të Vlorës, në afërsi të banesës së tij dyshohet të jetë vrarë.
Këtë e konfirmon policia e qytetit bregdetar, e cila disa orë pas ngjarjes ka dhënë informacionin e parë zyrtar dhe thotë se pas hetimeve paraprake, në trupin e 34 vjeçarit, konkretisht në pjesën e pasme të shpatullës është konstatuar një plagë e cila dyshohet të jetë shkaktuar nga armë zjarri.
“Në lidhje me ngjarjen ku në orët e para të mëngjesit të sotëm u gjet një person i pajetë në afërsi të banesës së tij në lagjen “Kushtrimi”, ku nga veprimet paraprake rezultoi pa shenja dhune, ju informojmë se:
Pas hetimeve të mëtejshme, nga ekspertiza e plotë mjeko-ligjore, në trupin e 34 vjeçarit K.D, konkretisht në pjesën e pasme të shpatullës është konstatuar një plagë e cila dyshohet të jetë shkaktuar nga armë zjarri.
34 vjeçari punonte në një firmë këpucësh në qytetin e Vlorës dhe nga ana e Policisë nuk njihet si person me precedent penal.
Në Policinë e Vlorës është ngritur një grup i posaçëm hetimor me qëllim dokumentimin dhe zbardhjen e plotë të ngjarjes.
Vijojnë hetimet e mëtejshme në bashkëpunim me Prokurorinë për sqarimin e rrethanave dhe vendosjen para përgjegjësisë penale të autorit/ve”, bën me dije policia.
g.kosovari
