Gazetari i Klan News, Besar Bajraktaraj, i ftuar në “Rudina” në Tv Klan për të zbuluar detaje rreth vjedhjes së banesës së Alda Klosit nga nënë e bir, Rozeta e Havier Dobi, thotë se sanitarja ka punuar edhe me shoqet e zyrtares.
Besar Bajraktaraj: Për sa i përket punës që ajo bënte, Rozeta Dobi, në banesën e shefes së kabinetit të ish zv.kryeministrit Ahmetaj, mund të themi që ajo kishte 5 vite që punonte si sanitare, por vetëm dy muajt e fundit punonte te pjesa e “Rrugës së Kosovarëve”, aty ku kishte marrë edhe shtëpinë me qera pasi Alda Klosi jetonte me qera gjatë dy muajve të fundit.
Rudina Magjistari: Pra kishte 5 vjet që punonte për këtë person?
Besar Bajraktaraj: Madje ka patur edhe persona të tjerë të afërt, mikesha të saj, të Alda Klosit, që e kanë marrë në punë si sanitare dhe sigurisht që deri në këto momente nuk ka ndonjë denoncim, por ndoshta, po të kryhen verifikime dhe hetime, mund të gjenden ndoshta edhe shuma të tjera parash, por megjithatë i mbeten prokurorisë./m.j
