Policia e Korçës thotë se telefonata e një qytetari bëri të mundur parandalimin e vjedhjes së banesës së një emigranti.
Mbrëmjen e së mërkurës në numrin 129 të policisë, një qytetar ka njoftuar se në lagjen nr.4 Korçë, në banesën e shtetasit P. N., emigrant, një person kishte hyrë për të vjedhur.
Pas marrjes së këtij njoftimi, efektivët e policisë shkuar drejt adresës së raportuar, ku konstatuan në ambientet e brendshme të banesës, një person.
Bëhet fjalë për 35-vjeçarin L. Sh., 35 vjeç, i cili po tentonte të kryente vjedhje.
Kështu policia arrestoi në flagrancë të dyshuarin, i dënuar më parë për veprën penale “Vjedhja”.
Ndaj tij për ndjekje të mëtejshme, materialet iu referuan Prokurorisë së Korçës.
/a.r
