Partia Socialiste organizon pasditen e së enjtes takimin festiv të 34-vjetorit të krijimit.
Kreu i PS-së dhe Kryeministri Edi Rama do të përshëndesë të ftuarit – themelues, kontributorë, figura të njohura të partisë, deputetë të vjetër e të rinj, që e ndërtuan dhe konsoliduan partinë në vite, shpesh edhe me kritika, përfaqësues të shoqërisë civile, gazetarë etj. do t’i bashkohen atmosferës së festës në selinë e partisë.
Pasditja e së enjtes përkon edhe me ceremoninë e nisjes së sesionit special të Akademisë Politike, që do të mbahet në orën 17:00.
Më 11 maj 2025, nga lista e plotë prej 186 deputetësh propozuar nga Partia Socialiste, arritën ta përfitonin mandatin e përfaqësimit 83 deputetë. 54 prej tyre, nga të cilët 21 gra dhe 33 burra, e fituan mandatin për herë të parë, ndërsa 39 prej tyre do të jenë pjesë e edicionit të posaçëm të Akademisë Politike.
Roli kushtetues i deputetit, marrëdhënia me elektoratin, etika e përfaqësimit janë temat që pritet të trajtohen nga personalitete politike të PS-së, përfshire dhe Kryeministri Rama. Pesë modulet e trajnimit do të mbahen në selinë e PS-së nga 20 qershori deri në 20 korrik. Deputet e rinj nuk do të ushtrojnë vetëm rolin si ligjvënës, por do të kërkohet kontributi aktiv në realizimin e objektivave të Shqipërisë 2030.
Urime e gezofshi mandatin ju deputete socialiste gezuar përvjetorin e PS një urim i vecante deputetit Admir Kadeli gezofshi sa me shume mandate ne rruhen babait