Detaje të reja janë zbardhur nga ekzekutimi i 38-vjeçart shqiptar, me origjinë nga Vlora që ra pre e një atentati një natë më parë në Athinë. Mediat greke bëjnë me dije se i linduri në vitin 1983, identiteti i të cilit nuk dihet ende ka ndërruar jetë gjatë orëve të natës.
Ai kishte marrë katër plumba, dy në kokë e dy në bark dhe nuk mundi që tu rezistojë dot plagëve të shkaktuara prej tyre.
Dëshmitarët okularë të krimit kanë zbardhur dhe detaje në lidhje me autorin. Ata janë shprehur për mediat se autori që shkrepi armën mbante veshur një xhaketë gri dhe se nga vendi i krimit ishte larguar me një makinë ngjyrë gri gjithashtu.
Viktima kishte në pronësi një klub nate. Ai ishte i njohur për autoritetet pasi ishte hetuar për trafik droge dhe prostitucion, por nuk ishte ngritur asnjë akuzë zyrtarisht ndaj tij.
Shqiptari u dërgua në gjendje të rëndë në Spitalin Evangelismos, por ndërroi jetë më vonë. Tashmë hetimet kanë nisur dhe pista kryesore është ajo e pazareve të drogës.
Ndërkohë mediat greke kanë publikuar foto nga vendi ku u qëllua me katër plumba shqiptari 38-vjeçar. Në fotot epublikuara shihet se si ambientet e barit “DejaVu” janë të rrethuar nga shiritat e policisë. Uniformat e grupit hetimor ndodhe pranë tavolinës ku ishte ulur i riu me origjinë nga Vlora.
Në tokë shihet edhe copëza të thyera nga gotat apo sendet që kishte në tavolinë shqiptari, të cilat po i konsumonte. Ai ishte ulur në këtë lokal në Rrugën Liosion 104 pranë Sheshit Attiki dhe Agios Panteleimonas, në Athinë, rreth orës 21:00 të natës së kaluar kur u qëllua nga një person ende i paidentifikuar.
