Mbeten mister rrethanat e atentatit të ndodhur në një lokal në Lushnje. Burime nga vendngjarja informojnë për noa.al se autori ishte i maskuar dhe mbante syze të errëta dhe një kapuç në kokë.
Ai ka hyrë në lokalin ku ndodhej 44 vjeçari Kujtim Meta dhe ka qëlluar disa herë në drejtim të tij me një armë zjarri.
Pastaj është larguar qetësisht në këmbë për në drejtim të paditur. Dyshohet se më tej ai është ndihmuar nga një person tjetër që e priste në distancë.
I plagosuri, para lokalit kishte parkuar mjetin tip kamionçinë me të cilin punonte. Policia dhe grupi hetimor kanë kontrolluar imtësisht mjetin.
Ende nuk dihen shkaqet e ngjarjes. Policia saktëson se rreth orës 16:15, në afërsi të stacionit të trenit, Lushnjë, në rrethana ende të paqarta është plagosur me armë zjarri Kujtim Mema, 44 vjeç, banues në Saravë, Lushnjë, i cili ndodhet në spital nën kujdesin e mjekëve.
Shërbimet e Policisë dhe grupi hetimor po vijojnë punën intensive për identifikimin e autorit dhe zbardhjen e plotë të ngjarjes.
Janë ngritur pika kontrolli në të gjitha hyrje-daljet e qytetit të Lushnjës me qëllim kapjen e autorit.
/b.h
