Burrë e grua, Ndue dhe Pashkë Preçi, banues në fshatin Shtyllas kanë humbur jetën në mënyrë tragjike mëngjesin e sotëm. Të dy, u nisën me mjetin e llojit “Toyota” për të takuar vajzën e tyre që banon në këtë zonë, por rrugëtimi iu pre në mes.
Në aksin rrugor Levan- Qarr, në vendin e quajtur “Kthesa e Qarrit”, në orën 07:20. mjeti “Toyota” ku po udhëtonte çifti Preçi doli nga rruga dhe ra në një kanal me ujë. Ai që nxorri trupat e pajetë, ishte një banor i zonës, që tregoi se një tjetër i kishte parë teksa i binin xhamit dhe kërkonin të dilnin që aty.
Ai shton më tej se kishte marrë një çelës papagall dhe i kishte nxjerrë që aty, por mund edhe të ishte shmangur ngjarja e rëndë.
Zjarrfikësja dhe ambulanca kanë mbërritur paasi janë nxjerrë trupat. Paraprakisht dyshohet se lagështira në rrugë e shpejtësia e lartë kanë qenë shkaqet kryesore të aksidentit.
g.kosovari
