Policia ka sjellë informacionin paraprak të vrasjes në Dajç të Shkodrës ku mbeti i vrarë Ridvan Ramazani.
Sipas uniformave blu, ai është ekzekutuar teksa udhëtonte me makinën e tij tip “BMW” afër shtëpisë.
Mësohet se në ndihmë të Policisë lokale janë nisur forcat e FNSh Shkodër dhe forcat Speciale RENEA.
“Më datë 28.11.2020, rreth orës 11:20, në fshatin Mushan, Shkodër, në afërsi të një pike karburanti është gjetur, dyshohet i vrarë me armë zjarri në mjetin e tij tip “BMË” shtetasi R. H. 46 vjeç banues në fshatin Darragjat, Shkodër. Shërbimet e Policisë kanë mbritur menjëherë në vendngjarje. Grupi hetimor nën drejtimin e Prokurorisë po vijojnë punën për sqarimin e rrethanave të kësaj ngjarje, identifikimin dhe kapjen e autorit/ve” – njofton policia.
Nga informacionet paraprake mësohet se Ridvani njihej si i forti i fisit Ramazani i cili ishte në konflikt me një tjetër person, Edmir Koçinë.
Ky i fundit u ekzekutua në mënyrë mafiozë në vitin 2012, duke shkuar me makinë në shtëpi Koçia ishte i dyshuar nga policia për vrasjen e Çim Cafit, Astrit Meshnunit si edhe disa krime të tjera të ngjashme, të cilat nuk u vërtetuan asnjëherë.
Policia ka ngritur strukturat dhe vijon kontrollet në të gjithë vendin në kërkim të autorit.
g.kosovari
