Fatbardh Ismajli është 26 vjeçari që ka qëlluar me armë zjarri në drejtim të makinës së ish-deputetit të PS në Kurbin Armando Prenga.
Sipas gazetarit të “Ora News” Elton Qyno, Ismajli është shpallur në kërkim pasi ka qëlluar 3 herë me armë zjarri në drejtim të Armando Prengës.
Shkak i këtij konflikti ka ndodhur pasi babai i Fatbardh Ismajlit, NIslami, është konfliktuar një ditë më parë me vëllain e Armando Prengën.
Konflikti mes tyre ka ndodhur në një qendër numërimi të votave dhe për pasojë ka sjellë dhe lindjen e debatit.
Dyshohet se në këtë debat është përfshirë verbalisht dhe Armando Prenga, i cili ka shkëmbyer sharje dhe ofendime ndaj Islam Ismajlit.
Ndërkohë pasditen e sotme Fatbardh Ismajli, ka qëlluar 3 herë me pistoletë në drejtim të Armando Prengës, teksa ky i fundit ishte duke udhëtuar me makinën e tij në fshatin Fushë-Kuqe.
Nga të shtënat me armë nuk ka pasur të lënduar vetëm disa dëme materiale. Ndërsa autori i krimit është larguar me një automjet tip “Benz”.
Fatbardh Ismajli, është shpallur në kërkim për akuzën e “Kanosjes me armë” dhe “Mbajtjes pa lejë të armëve të zjarrit”./m.j
