Ministria ruse e mbrojtjes ka thënë të dielën se një prej anijeve të saja luftarake, destrojeri “Smetlivy”, është detyruar të shtijë disa herë në shenjë paralajmërimi ndaj një anijeje turke në detin Egje për të shmangur një incident mes tyre. Rusët kanë thirrur atasheun e ushtrisë turke për ta informuar mbi incidentit.
Agjencia ruse e lajmeve “Interfax” ka thënë se anija turke, të cilës ministria ruse nuk ia ka përmendur emrin, nuk ka reaguar ndaj paralajmërimeve, por e ka ndryshuar kursin menjëherë pas të shtënave, duke shkuar në distancë 500 metra nga luftanija ruse.
“Anija turke e peshkimit nuk është përgjigjur në radio dhe as ndaj sinjaleve vizuale nga semafori apo nga shkëndijat paralajmëruese”, thuhet në komunikatën e ministrisë ruse të mbrojtjes.
