Ka përfunduar takimi i ministrave të jashtëm Rusi-Ukrainë. Ministri i Jashtëm rus Sergei Lavrov u takua me homologun e tij ukrainas Dmitry Kuleba në Antalia për rreth dy orë në prani të ministrit të Jashtëm turk Mevlüt Çavuşololulu. Megjithatë, duket se ky takim dështoi, pasi lufta do të vijojë.
Lavrov thotë se ai ka diskutuar çështje humanitare me homologun e tij ukrainas. Gjithashtu ai akuzoi “nacionalistët” ukrainas për përdorimin e civilëve si mburoja njerëzore.
Furnizimi me ushqime dhe stabiliteti i çmimeve në Evropë ishte gjithashtu në axhendë, u tha ai gazetarëve.
Duke iu përgjigjur një pyetjeje nga BBC nëse një armëpushim do të ishte i mundur, Lavrov tha se “operacioni special ushtarak” do të vazhdojë dhe se Vladimir Putin thotë se strategjia e tij do të planifikohet”.
Lavrov tha gjithashtu se duke i ofruar ndihmë mbrojtëse Ukrainës, Perëndimi “po sillet në mënyrë të rrezikshme”.
“Ne nuk e sulmuam Ukrainën,” shpjegoi ai, duke thënë se “Rusia po kërcënohej dhe duhej të mbronte rajonet e Donetsk dhe Luhansk, të cilat Rusia i sheh si të pavarura nga Ukraina”.
g.kosovari
