Është shtyrë seanca gjyqësore për grupin e Habilajve në Gjykatën e Krimeve të Rënda. Shkak për këtë shtyrje të seancës është bërë fakti se nuk janë njoftuar të gjithë të pandehurit e çështjet.
Aktualisht letër porosi kanë ardhur vetëm për Nazer Seitin, Moisi Habilajn, Meridian Sulajn dhe Fatmir Minajn.
Të katër këta të pandehur ndodhen në Itali, ku edhe u dënuan për trafikun e drogës nga Shqipëria në Itali në kuadër të grupit kriminal.
Banda kriminale e Habilajve është shkatërruar nga policia italiane, gjatë një aksioni të koduar “Rosa dei Venti”, dhe akuzohet për trafik ndërkombëtar droge.
/a.r
