Një dëshmi e rëndë vjen nga një komandante e Marinës Mbretërore Biranike, e cila shërbente në një nëndëtëse bërthamorem dhe pretendon se është ngacmuar seksualisht në ambientet e brendshme.
Lajmin e bëjnë të ditur mediat e huaja, të cilat kanë publikuar dëshminë e Sophie Brooke, një nga gratë e para që shërbeu në një nëndetëse të Marinës Mbretërore pas reformës së vitit 2011, kur ky shërbim pushoi së qeni prerogativë ekskluzive e burrave.
“Ishim shumë afër që të dilte diçka e mirë. Unë isha pothuajse komandantja e parë femër e nëndetëseve në botë (…) por që nga dita e parë, nuk pata asnjë mbështetje”, tha Brooke. Disa prej kolegëve më fusnin organet gjenitale në xhepa”.
Ajo përmendi hajdutët dhe sjelljet seksiste, ngacmim të vazhdueshëm seksual.
Sipas rrëfimit të saj, të konfirmuar nga dy ish-anëtarë të Marinës Mbretërore, kishte një listë me emra burrash dhe një me emra grash, të njerëzve që do të nxitoheshin në rast të një ngjarjeje “katastrofike” në det. “Më thanë: je numri gjashtë… kështu që nëse gjërat nuk shkojnë mirë, fillo të vraposh”, argumentoi ajo.
Brooke gjithashtu pretendoi se një nga kolegët e saj ekspozoi organet e tij gjenitale ndërsa një oficer e puthte atë ndërsa ajo flinte. Ajo që pasoi e çoi atë në akte të vetëlëndimit, deri në atë pikë sa i duheshin nëntë qepje në krahun e saj, por, pavarësisht këshillave mjekësore për të kundërtën, ajo u dërgua të bënte turnin e saj.
“Unë kisha përgjegjësinë e plotë për 165 anëtarë të ekuipazhit, reaktorin bërthamor dhe kokat bërthamore me pothuajse asnjë pikë gjumë”, theksoi ajo për të nënvizuar rreziqet e një situate të tillë.
Nga ana tjetër, Marina Mbretërore e Britanisë ka nisur një hetim lidhur me ngacmimet seksuale.
Shefi i Marinës, Admirali Ben Key, theksoi se “ngacmimi seksual nuk ka vend në Marinën Mbretërore dhe nuk do të tolerohet”. Në një postim në Tëitter, ai i quajti “të neveritshme” akuzat në dëshmi dhe zbuloi se kishte urdhëruar një hetim.
“Kushdo që shpallet fajtor duhet të mbajë përgjegjësi për veprimet e tij, pavarësisht gradës së tij”, theksoi ai.
Kujtojmë se sipas shifrave të vitit 2019, vetëm 1% e ekuipazhit të nëndetëseve britanike janë gra./m.j
