Gjyqtari i Gjykatës së Lartë, Admir Thanza ka dalë sot në seacnën dëgjmore të Komisionit të Pavarur të Kualifikimit (KPK) ku trupa gjykuese ndër të tjera u shpreh se gjyqtari rezulton i dënuar në Itali në vitin 1999 për vjedhje kryer në bashkëpunim me 40 ditë burg dhe 100 mijë lireta.
Gjyqtari me lot ne sy ka thënë se e ka kryer dënimin, por thotë se nuk e ka kryer ai aktin e vjedhjes, por një person tjetër, ndërsa e ka marrë përsipër për shkak të rrethanave familjare.
“Nuk e kam kryer unë aktin e vjedhjes, por një person tjetër, ndërsa e mora përsipër për shkak të rrethanave familjare.
Nipi im 9 vjeç ishte rëndë në spital dhe e ëma kreu një krim. Unë e mora përsipër krimin sepse doja të shpëtoja nipin tim.
Nëse nëna e tij do depërtohej, ai fëmijë s’do mbijetonte sot. Nipi që shpëtova sot është 28 vjeç dhe jeton jashtë vendit. Më trajtoni njëlloj si të gjithë gjykatësit e tjerë “– ka thënë gjyqtari Thanza.
Trupa gjykuese e KPK pritet të marrë vendimin përfundimtar për gjyqtarin më datë 17 korrik ora 10:00 nëse do kalojë apo jo vettingun. /b.d
