Plani për të krijuar Shtetin Islamik lindi nga lideri Abu Bakr al Baghdadi bashkë me disa krerë xhihadistë në një burg ushtarak në “Camp Bucca”, në Irak.
Mu nën hundën e amerikanëve. “Kampi ishte ambienti ideal për të planifikuar ISIS. Kur dolëm nga burgu na mjaftoi të gjenim njëri-tjetrin”, ka rrëfyer Abu Ahmed, një luftëtar i ISIS për “The Guardian”.
Kur të rinj irakenë dyshoheshin si xhihadistë futeshin në burgun Camp Bucca dhe merreshin në pyetje.
Pas disa pyetjeve ata bashkoheshin me xhihadistë të tjerë ku dhe nisi krijimi i shtetit famëkeq islamik.
Mes këtyre xhihadistëve ishte dhe al Baghdadi.
Siç rrrëfen një luftëtar, “amerikanët e lëshuan pasi shihnin në të figurën e një negociatori, i aftë për të moderuar influencat më radikale”.
“Kur shkova në një qeli me Al Baghdadin na thanë të silleshim mirë pasi ky ishte Nelson Mandela i irakenëve. Ai do të shpëtonte Irakun. Amerikanët e kishin në burg Al Baghdadin dhe e liruan. Ja çfarë po u bën tani Mandela i tyre”,tregon dëshmitari për “The Guardian”.
