Jemi fëmijë të birësuar. Nëna na dhunonte fizikisht dhe psikologjikisht prandaj u larguam nga banesa”. Kështu kënë deklaruar Tadgh Magnus Bailey-Kay dhe Tavish Taog Bailey-Kay 2 adoleshentët amerikanë të cilët u larguan nga banesa e tyre më 31 maj. Duke marrë në konsideratë dëshminë e të miturve, policia ka arrestuar 47 vjeçaren Andrea Grace Bailey-Kay me akuzën e keqtrajtimit të të miturve, shkruan BW.
Fëmijët janë strehuar në një shoqatë për mbrojtjen e fëmijëve në kryeqytet, derisa gjykata të marrë një vendim në lidhje me nënën e tyre. Adoleshentët u gjetën pas 6 ditësh pranë xhamisë në Selitë dhe menjëherë u shoqëruan në komisariatin nr. 1 ku u moren në pyetje në praninë e psikologeve dhe kanë treguar mbi arsyet e largimit.
Para uniformave blu adoleshentët kanë treguar se jetojnë me nënën e tyre 47-vjeçare Andrea Grace bailey-kay së bashku më 5 fëmijë të tjerë. Sipas tyre në familje jetojnë 3 fëmijët biologjikë të 47- vjeçares dhe 4 të birësuar. Ajo sillet shumë mirë me fëmijët e tjerë përveçse me ta, të cilët i paragjykon për shkak të ngjyrës së lëkurës dhe prejardhjes nga Neë Mexico. E thirrur në polici, 47 vjeçarja i ka mohuar këto akuza duke pretenduar se fëmijët i ka rrahur vetëm një here, kur i ka kapur duke vjedhur në shtëpi dhe i ka goditur për t’i disiplinuar. Pavarsisht pretendimeve të nënës policia e ka arrestuar 47-vjeçaren me akuzën e keqtrajtimit të të miturve dhe fëmijët i ka strehuar në një shoqatë për mbrojtjen e fëmijëve në kryeqytet.
ma.me
