Ministri i Transporteve, Sokol Dervishaj në përgjigje të kërkesës së zv/kryeministres, Ledina Mandija, për punësimet në ndërmarrjen e hekurudhës në Durrës, bën me dije se ka ngritur një grup pune me qëllim marrjen e masave përkatëse në varësi të shkeljeve që do të konstatohen.
Ministri Dervishaj sqaron se do të dënojë çdo rast që do të rezultojë të jetë në kundërshtim me parashikimet e Vendimit të Qeverisë datë 1 qershor 2017.
Sipas Ministrisë së Transporteve, ministri Dervishaj “fton të gjithë punonjësit e institucioneve qendrore apo të varësisë të denoncojnë çdo rast presioni apo ushtrimi ndikimi të paligjshëm të pushtetit, pranë organeve kompetente”. /b.d
