Vaksina kundër Covid-19 e zhvilluar nga Universiteti i Oksfordit, në bashkëpunim me kompaninë farmaceutike AstraZeneca, gjeneron një përgjigje të fortë imune tek të moshuarit, grupmosha më e prekur dhe e rrezikuar nga virusi.
Kjo është ajo çfarë shkruan Financial Times, duke folur për “shpresat” e gjeneruara nga provat e realizuara.
Provat klinike të kësaj vaksine janë në fazën 3, e fundit para se të dilet në një konkluzion të saktë nëse është e sigurt dhe nëse lejon mbrojtjen e popullatës nga sëmundja.
Pas kësaj prove sigurisht që do të jetë e nevojshme miratimi nga organet rregullatore para se vaksina të hidhet në treg për shitje, shkruan La Repubblica.
Sidoqoftë, dy burime të përmendura nga gazeta, të cilët janë në dijeni për studimet e vazhdueshme, argumentuan se vaksina në fjalë gjeneron antitrupa dhe të ashtuquajturat limfocite T (qelizat, detyra kryesore e të cilave është të identifikojnë dhe vrasin patogjenët pushtues ose qelizat e infektuara)në mesin e të moshuarve.
“Falë fuqisë ekonomike dhe organizative të udhëheqësit të projektit, shumëkombësh AstraZeneca, ne kemi filluar prodhimin e vaksinës kundër Covid-19 prej muajsh tashmë” – shpjegon Piero Di Lorenzo, president i Irbm di Pomezia.
Sipas tij, nëse gjithçka shkon mirë, dozat e para të vaksinës do të shpërndahjen deri në fund të vitit.
Kontrata midis AstraZeneca dhe BE parashikon shpërndarjen e 300 milion dozave deri në qershor 2021.
“Jo për të përhapur optimizëm, por është absolutisht e besueshme që eksperimentimi i projektit AstraZeneca-Oxford mund të përfundojë fazën e 3 në fund të nëntorit-mesit të dhjetorit. Në fund të provës, dokumentacioni u jepet agjencive rregullatorë, të cilave normalisht u duhen 6-12 muaj për të përfunduar procesin. Por jam i sigurt se agjencitë do të eleminojnë burokracitë dhe do të përshpejtojnë procesin,” thotë Piero Di Lorenzo.
g.kosovari
