Partizani dhe Tirana u ndanë në barazim 1 me 1 në derbin e javës së 24 të Superiores, pas një ndeshje të tensionuar që u mbyll mes sherrit, tensionit dhe tetë kartonëve të kuq.
Dueli i rëndësishëm për objektivat e dy skuadrave u zhbllokua nga bardheblutë me Ernest në pjesën e parë.
Partizani nuk hoqi dorë për asnjë moment dhe evitoi humbjen në minutën e 90 me rrjetën e Sembene. Pas golit të barazimit nga Partizani, në fushë nisi një sherr masiv ndërmjet lojtarëve të të dyja skuadrave, atyre që ishin në fushë dhe atyre në stol. Katër kartonë të kuq u dhanë në fushë, dy për Tiranën dhe dy për Partizanin, me të dyja ekipet që e mbyllën ndeshjen me nga nëntë lojtarë.
Katër kartonë të kuq u dhanë edhe në stolat respektivë: tre për Tiranën, dy lojtarë zëvendësues dhe drejtori, si edhe një karton i kuq për Partizanin.
