Sulejman Starova, trajneri i Partizanit, nuk e fsheh mërzinë pas barazimit të sotëm me Tiranën, duke deklaruar se skuadra, pavarësisht mundësive për të shënuar humbi dy pikë të rëndësishme.
“Ne kemi humbur dy pikë, sepse mënyra jonë e lojës u ndërtua që ta fitonim lojën, por nuk arritëm… Tensionet që prodhon një derbi krijojnë edhe gabime. Nuk ishim të saktë në ato pak raste që krijuam. Ky lloj derbi nuk ka lidhje me ndeshjen e parë sepse nuk ishte e njëjta ndeshje. Kjo për faktin se kundërshtari ka meritën e vet dhe u mbrojt me 7 futbollistë. Ne kishim mundësinë në fund fare me Fazliun, por nuk arritëm. Gjithsesi është një rezultat i mirë duke parë rëndësinë e ndeshjes’, tha për ‘Supersport’ Starova.
