Akuzat e opozitës për punën e kryeministrit Mustafa gjatë kohës së regjimit komunist në Kosovë, nuk i bëjnë përshtypje deputetes Besa Gaxherri, që ishte e ftuar “Interaktiv” të KTV-së.
“Nuk e kemi problem çka na përmend opozita, ne krenohemi për kohën sa kemi qenë në komunizëm, ne krenohemi me atë, krenohemi me kuadrot tona në atë kohë”, ka thënë Gaxherri, transmeton Koha.net.
“Prej presidentit Rugova deri te kryeministri tash kanë qenë në atë sistem. Të gjithë kemi qenë e sistemit, unë jam rritur në këtë sistem dhe kam dashur që të studioj e punoj aty”, ka shtuar Gaxherri, duke thënë se ka pasur njerëz të caktuar që kanë punuar kundër interesave të shqiptarëve në atë sistem. (b.an)
