Deputetja e Bundestagut, Renata Alt ka folur edhe mbi liberalizimin e vizave për shqiptarët e Kosovës.
Alt ka thënë se nuk është logjike që atatë mos kenë të drejtë të lëvizin pa viza në Schengen, bazuar në atë që është konfirmuar disa herë që Kosova ka plotësuar kushtet për liberalizim të vizave.
“Shqiptarë e Kosovës janë shtetasit e vetëm të Ballkanit Perëndimor që kanë ende nevojë për një vizë për të hyrë në zonën Shengen. Kjo nuk duket logjike në dritën e faktit se Komisioni – me mbështetjen e Parlamentit – ka konfirmuar disa herë që nga korriku i vitit 2018 se Kosova i përmbush të gjitha kushtet për liberalizimin e vizave”, ka thënë Alt.
Ajo thotë se fakti që BE-ja ka premtuar liberalizimin dhe refuzimi që bëhet nga Këshilli e rrit zhgënjimin e tyre dhe mosbesimin ndaj Evropës.
“Fakti që kjo është premtuar për kaq gjatë dhe Këshilli refuzon ta japë dritën e gjelbër e shton zhgënjimin në anën e Kosovës dhe mosbesimin ndaj BE-së. Ajo gjithashtu nuk e forcon besueshmërinë e BE-së në rajon”, ka thënë Alt.
