Deputetja e Partisë Socialiste, Evis Kushi ka reaguar lidhur me vendimin e presidentit Meta për të ç’dekretuar datën e zgjedhjeve vendore të 30 qershorit.
Teksa e konsideroi veprimin e Metës antikushtetues, Kushi shkruan se ndryshimi i datës së zgjedhjeve përbën një precedent të rrezikshëm për ligjshmërinë, demokracinë dhe stabilitetin.
Ndër të tjera, deputetja socialiste shtron pyetjen: “Çfarë do të ndodhte sikur Presidenti të caktonte një datë tjetër (që i pëlqen opozitës) ndërsa ne si shumicë nuk pranojmë dhe deklarojmë që nuk hyjmë në zgjedhje?”
Komenti i plotë i Kushit:
“Çfarë do të ndodhte sikur Presidenti të caktonte një datë tjetër (që i pëlqen opozitës) ndërsa ne si shumicë nuk pranojmë dhe deklarojmë që nuk hyjmë në zgjedhje?
Ndryshimi i datës jo vetëm që është antikushtetuese, por kjo do të përbënte një preçedent të rrezikshëm për ligjshmërinë, demokracinë dhe stabilitetin. Prandaj zgjedhjet duhet dhe do të bëhen në 30 qershor.
