Deputetja e Partisë Demokratike në Shkodër, Izmira Ulqinaku, akuzoi ashpër kreun e Kuvendit, Gramoz Ruçi, teksa mbajti fjalën e saj në seancën e sotme plenare. Ulqinaku kujtoi ngjarjen e vitit 1991 në qytetin e saj, ku u vranë 4 të rinj, duke e lidhur ngjarjen me Ruçin.
Sipas saj, kreu i Kuvendit ka qenë një ish-funksionar i viteve të fundit të regjimit, Ministër i Brendshëm, në momentin e ngjarjeve të 2 prillit ’91 në Shkodër, ku u zhvillua një protestë masive, që çoi në ekzekutimin e 4 personave të pafajshëm.
I menjëhershëm ishte reagimi i Ruçit, i cili tha se nuk është faji i tij për ngjarjen e asaj kohe, duke i kërkuar deputetes Ulqinaku që të njohë më mirë historinë e fakteve dhe ngjarjeve.
Ai i ka renditur se në atë kohë ajo ka qenë e vogël dhe nuk i njeh siç duhet rrethanat e asaj ngjarje.
Në një replikë të drejtpërdrejtë Ruçi shprehet se Shkodra e ka mirëpritur gjatë vizitave të tij duke shtuar se këtë gjë e kanë bërë edhe votuesit e deputetes.
“Një sqarim të vogël, në raport me Shkodrën në vitet 91 92, fole për një kohë që s’është faji jot që ishe disamuajshe, që ishe 1 vjece në vitin 92, për ato që fole, mes piacës, mes gjyqit dhe s’është prap faji jot që mund ta ndiqje… mes Rucit të shkodranëve dhe jam i lumtur që më kanë mirëpritur me duar në xhepa dhe mundohu të njohësh historinë e fakteve.”, tha Ruci
Por pas kësaj opozita ka tentuar të prishë seancën, duke i rënë tavolinave me dorë, pasi Ruçi nuk i dha te drejten e replikes deputetes Ulqinaku, sepse radhën e kishte Mimi Kodheli.
Me pas u pa te largohej nga salla lideri i opozites Lulzim Basha
