Deputeti socialist, Rrahman Rraja ka mohuar që djali i tij, Rexhep Rraja të ketë dhunuar ish-të dashurën, Xhisila Maloku.
Rraja ka folur për mediat, pas mbledhjes së grupit parlamentar, duke konfirmuar vazhdimësinë në PS.
Deputeti Rraja, duke iu përgjigjur interesit të gazetarëve deklaroi se nuk do të largohet nga grupi parlamentar i PS
“Djali im nuk ka kryer dhunë, e keni gabim. Nuk largohem nga grupi parlamentar i PS“, deklaroi deputeti Rrahman Rraja pas mbledhjes së grupit të PS
Gjatë ditës së djeshme, policia prangosi djalin e deputetit, pas akuzave për dhunë ndaj ish të dashurës së tij
Partia Socialiste ka mbledhur sot për rreth 45 minuta Grupin Parlamentar. Mësohet se kryeministri Edi Rama ka qëndruar vetëm disa minuta, për t’ja lënë drejtimin e saj, Taulant Ballës.
Përpara grupit, Balla mësohet të ketë thënë se socialistët duhet të fokusohen tek axhenda e tyre parlamentare dhe politike. Sipas burimeve nuk eshte folur fare per rastin e deputetit Rraja.
Javanews/a.ç
