Deputeti i Partisë Socialiste, Artan Gaçi ka shpërthyer sot në Parlament kryesisht ndaj ministrit të Brendshëm, Sajmir Tahiri.
Në një fjalim të mbajtur teksa po diskutohej për “ligjin e Plehrave”, ai tha me ironi se pak ditë më parë u zbulua një pistë droge në Ishëm, ndërsa policia shpëtoi një kotele.
“Greqi, ambasadorja e Greqise ne Tirane flet si e “ema e Zeqos ne maje te thanes’’ per camet e per kufirin detar. Tema te medha, por Shqiperia meme nuk ju ndihmon dot bashkekombas se kemi ngjarjet tona. Shqiperi, zbulohet nje aeroport droge, shpetohet nje kotele, iken nje biznesmen me barrele, dhe vjen ne parlament amendimi per ligjin e mbetjeve. Keto vetem kete jave”, tha Gaçi.
Sipas tij “Investitori qe la Shqiperine me barrele ishte nje pamje e dhimbshme, ndersa ngjarja qe e detyroi te largohej per mua eshte terrorizm i paster. Terrorizëm ndaj cdo sipermarresi vendas, apo me keq akoma te huaj. Terrorizëm ndaj te ardhmes jo vetem te turizmit por edhe te Shqiperise. Prej 25 vjetesh vazhdon te perseritet e njejta histori. Biznesmene qe guxojne, provojne dhe thuajse gjithmone deshtojne. Keshtu ndodhi me Kakomene qe na coi 10 vjet mbrapa ne turizm, keshtu ndodhi edhe kete jave, qe na coi pas edhe 10 vjet te tjera. Duhet te mbaroje kufiri i Shqiperise qe te fillojne rezortet e investimet, qofte ne jug ne Greqi, apo veri ne Mal te Zi”.
“Ndaj akteve te tilla duhet reaguar me me shume force. Nuk ka ç’na duhet ushtria e policia. Shish-I, Shiu, helikoptere tanke etj.. nese na i perzene me dru investitoret diten me diell. Nje koleg ketu me tha nje gje te mencur.. investitoret jane si pellumbat, duhet shume kujdes per ti bere qe te vijne, nje e nga nje, e pak e nga pak.. Ama kur i tremb, qofte edhe me nje gur te vetem, ikin te gjithe bashke”.
Panorama/d.i.
