Deputeti i Partisë Demokratike, Oerd Bylykbashi, ka ndarë me miqtë e tij në “Facebook” një lajm të hidhur të familjes së tij. Bylykbashi ka humbur një person të shtrenjtë të familjes, atë që deputeti e quan si modelin e tij në jetë.
Është pikërisht gjyshi i deputetit të PD që është ndarë nga jeta një ditë më parë. Përmes një mesazhi prekës, Bylykbashi shkruan se ai ishte gjithmonë i dashur, i qeshur, i qetë dhe kurrë nuk e prishte zemrën.
“Ishe gjithmone i dashur, i qeshur, i qete dhe kurre nuk e prishe zemren. Ishe njeriu me i ndershem dhe i drejte qe kam njohur. Ishe dhe do te mbetesh modeli im ne jete. Te qofte dheu i lehte e u prehsh ne paqe i dashur gjysh!”, shkruan Bylykbashi.
