Kryetari i ‘ngrirë’ i PD Lulzim Basha ka reaguar pas dëshmisë së dhënë në gjykatë nga deputeti i PS Jurgis Çyrbja për çështjen Shullazi.
Basha shkruan në rrjetet sociale se beteja e radhës është largimi i shërbëtorëve të krimit në politikë siç e quajti ai deputetin.
Statusi:
Deputeti socialist i Durrësit, Jurgen Çyrbja dëshmoi sot në gjykatë në favor të bandës së Emiljano Shullazit edhe pse prokuroria e kishte thirrur për të dëshmuar kundër saj. Dëshmia e tij nxorri në shesh fytyrën e vërtetë të shtetit të Edi Ramës si shtet privat në dorën e të fortëve dhe kriminelëve.
Prania e Çyrbes në Kuvend tregon se lufta për largimin e krimit nga politika nuk ka mbaruar. Me ligjin e dekriminalizimit ne ndaluam futjen e vetë kriminelëve në Kuvend, por tani na duhet të largojmë nga politika edhe shërbëtorët e krimit.
/a.m.
