Në një kohë kur Lulzim Basha, Monika Kryemadhi dhe një grup mbështetësish të opozitës janë grumbulluar para godinës së Paralametit për të protestuar, mazhoranca ka nisur seancën plenare.
Në nisje, Ruci njoftoi se në zbatim të ligjit dorëzimi i mandateve nga opozita i është dorëzuar KQZ-së, ndërsa shtoi se deputeti Dritan Bici, i pas largimit nga PDIU-ja ka qenë i pavarur, tashmë i është bashkuar PS-së.
“Në zbatim të kodit për dorëzimin e mandateve, njoftuam organin kompetent për të vijuar me procedurat e mëtejshme. Ndërkohë që iu njoftoj se deputeti Dritan Bici është bërë anëtar i grupit të PS-së” tha Ruçi.
Më herët kreu i grupit Parlamentar të PS Taulant Balla tha se sot në Kuvend në këtë seancë do të miratohen vendime shumë të rëndësishme për shqiptarët, konkretisht strukturën e dy institucioneve bazë të drejtësisë së re, KLP dhe KLGJ.
“Ne po vijojmë me intensitet angazhimin tonë për ta çuar deri në fund mandatin që na kanë dhënë shqiptarët.
Sot miratojmë strukturën e dy institucioneve bazë të strukturës së drejtësisë së re, KLP dhe KLGJ”. – tha Balla.
