Raportuesi i grupit parlamentar CDU/CSU për Shqipërinë, Thorsten Frei, ka folur rreth dorëheqjes së ish-ministrit të brendshëm, Fatmir Xhafaj.
Deputeti i Merkel thotë se është e vështirë të gjykosh shkaqet e dorëheqjes, por ai shton se akuzat ndaj Xhafaj ishin të papranueshme në Gjermani.
“Është e vështirë të gjykosh së largu se cilat kanë qenë shkaqet e dorëheqjes së tij. Dhe nuk më takon mua, sidomos kur në Shqipëri, diskutimet për këtë çështje nuk kanë të sosur. Sidoqoftë, unë e kam theksuar gjithnjë, se thashethemet dhe supozimet e lidhura me zotin Xhafaj edhe për ca kohë do të ishin të papranueshme politikisht në Gjermani. Unë mendoj se dorëheqja është një tregues tjetër në drejtim të luftës kundër korrupsionit dhe krimit të organizuar, përkatësisht shkëputjes nga politika.”, deklaroi Frei për DW
Negociatat varen nga lufta kundër krimit të organizuar
“Qeveria duhet t’i zgjerojë shumë më tepër dhe më me vendosmëri përpjekjet e saj në këtë sektor. Është e vërtetë që ndërkohë janë bërë përparime të mëdha me vettingun. Por unë jam ende shumë i shqetësuar për gjendjen e krimit të organizuar. Kjo pikë do të luajë në fillim të verës së ardhshme një rol shumë vendimtar, kur në tryezë të kthehet sërish çështja e negociatave të anëtarësimit”
a.ç
