Deputeti i Lidhjes Demokratike të Kosovës, Armend Zemaj teksa ka folur në Kuvend për gjendjen emergjente të shpallur nga qeveria e Kosovës, ka ironizuar kryeministrin Albin Kurti dhe ministren e Ekonomisë, Artane Rizvanolli.
Deputeti i LDK-së ka folur për mbledhjen ku është vendosur të shpallet gjendje emergjente, por këtë e ka bërë duke supozuar se si ka rrjedhur takimi. Gjithë ironi ai ka thënë se Kurti dhe Rizvanolli janë ulur në zyrë dhe gjithë çudi kanë parë njëri-tjetriin për këtë krizë të papritur. Ai thotë se ministrja është habitur shumë që Kosova njek krizë sidomos duke pasur Kurtin për kryeministër për të cilin Mehaj thotë se është një yll që shkëlqen. Ai vazhdon thotë me ironi se errësira që ka sjellë kurti është drita e Kosovës.
“I kemi pa ato dritat ndezë, natën në Qeveri, kryeministri Kurti ulur në njërën anë, komiteti, ministrja në anën tjetër, nja 10 minuta qetësi, duke e shiku njëri-tjetrin në sy, prit kur po fillojnë me folë, me i dhënë propozimet, prit, urdhnoni, kryeministër e kemi një dilemë, qysh është e mundur me pasë krizë energjetike në Kosovë, duke të pasur ty kryeministër? Kryeministri po përgjigjet, po parafrazoj “Ishim të paralajmëruar me kohë, edhe vendet fqinje morën mara emergjente”. Ministrja me komitetin, në stilin militant, edhe ata që i ka emëruar, edhe ata mbi moshën 75-vjeçare, të pakënaqur me përgjigjen, po i drejtohen: Kryeministër, nuk ka terr që të sfidon ty, sepse ti je yll që ndriçon botën, e lëre më Kosovën. Ndonëse me vonesë, por tanimë të gjithë e kanë kuptuar që terri i Kurtit është vetë drita e vendit tonë”, tha Zemaj
Zemaj tha se Qeveria ka qenë në dijeni se vendi po shkon drejt një krize energjetike, por nuk ka vepruar fare.
“Kriza nuk fillon sa hap e mbyll sytë, Qeveria e ka ditur se po shkojmë drejt një krize energjetike, çfarë keni bërë? Edhe sot deklaruat, asgjë. Çka keni reaguar, si keni reaguar? Hiç, fare”, ka deklaruar Zemaj./m.j
