Deputeti grek i partisë Demokracisë së Re, Theodoros Karaoglou është diagnostikuar me kancer të gjirit.
Ai shkruan në rrjetet sociale se rastësisht, disa ditë para dasmës së djalit të tij ai mësoi se gjërat nuk po shkonin mirë me shëndetin e tij.
Diagnoza ishte “kanceri i hershëm i gjirit”. Siç tregon vetë deputeti grek, gjithçka ka shkuar mirë dhe tumori është hequr.
“Tumori i vogël u hoq dhe analizat histologjike treguan se e keqja mbaroi këtu! Sigurisht, kërkohet një kontroll parandalues në intervale kohore të paracaktuara. Por mësimi i problemit shëndetësor me të cilin u përballa është se nuk duhet të marrim asgjë si të mirëqenë,” shkroi ai ndër të tjera në postimin e tij.
Kanceri i gjirit zakonisht gjendet tek gratë, por meshkujt mund të preken gjithashtu.
Rreth 1 në çdo 100 raste të kancerit të gjirit të diagnostikuar në Shtetet e Bashkuara gjendet tek një mashkull.
